កុងដង់សាទ័រ ជាឧបករណ៍អគ្គិសនីដែលធ្វើឡើងដើម្បីផ្ទុកបន្ទុកអគ្គិសនី ដែលផ្គុំឡើងដោយបន្ទះចម្លងពីរស្របគ្នា (អាម៉ាតួ) ខណ្ឌដោយមជ្ឈដ្ឋានមួយដែលហៅថា ឌីអេឡិចទ្រិច។ កុងដង់សាទ័រ កាប៉ាស៊ីតេនៃកុងដង់សាទ័រអាស្រ័យលើ៖ + ផ្ទៃឈមនៃអាម៉ាតួ : ផ្ទៃកាន់តែធំ កុងដង់សាទ័រអាចផ្ទុកទុកបន្ទុកអគ្គិសនីបានកាន់តែច្រើន។ ហើយកាលណាបន្ទុកកាន់តែធំ នោះកាប៉ាស៊ីតេក៏កាន់តែធំដែរ (C = q/V ) + ចម្ងាយរវាងអាម៉ាតួទាំងពីរ : កុងដង់សាទ័រ សមមាត្រទៅនឹងដែនអេឡិចត្រូស្តាទិចរវាងអាម៉ាតួទាំងពីរ។ ដែននេះកាន់តែខ្លាំងកាលណាអាម៉ាតួទាំងពីរកាន់តែនៅជិតគ្នា។ គេថា កាលណាចម្ងាយរវាងអាម៉ាតួទាំងពីរថយចុះ នោះកាប៉ាស៊ីតេកើនឡើង។ + មជ្ឈដ្ឋានឌីអេឡិចទ្រិច ក្នុងការធ្វើកម្លាំងអន្តរកម្មអេឡិចត្រូស្តាទិច : កាលណាថេរឌីអេឡិចទ្រិចកើន នោះកាប៉ាស៊ីតេកើន។
Comments
Post a Comment